Leikskólinn Undraland - Enter your slogan here
In order to view this page you need Flash Player 9+ support!
Leikskólinn Undraland
Vor- og afmælishátíð
Fimmtudagur, 10. maí 2012 10:33
6. apríl síðastliðin voru liðin 30 ár frá stofnun leikskólans Undralands á Flúðum. Til þess að minnast þessara merku tímamóta hefur verið ákveðið að bjóða til afmælisveislu á Vorsýningunni okkar föstudaginn 18.maí n.k. kl. 14.00-16.00 í húsnæði leikskólans.
Öllum íbúum Hrunamannahrepps og öðrum velunnurum leikskólans er boðið til afmælisveislunnar. Leikskólabörnin opna hátíðina með söng í tilefni dagsins svo bjóðum við gestum að skoða sig um í leikskólanum og kynna sér afrakstur vetrarins í myndum og máli.
Hrunamannahreppur mun svo bjóða uppá köku í tilefni dagsins.
Allar gjafir til afmælisbarnsins eru vel þegnar, en um þessar mundir er verið að safna styrkjum til kaupa á útileikföngum fyrir börnin.
Áhugasamir geta haft samband í leikskólann í síma 480-6620 eða á netfangið
Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.
Vonumst eftir að sjá ykkur sem flest.
Börn og starfsfólk leikskólans Undralands
Skólaþing
Þriðjudagur, 10. apríl 2012 10:57
Skóla- og æskulýðsþing.
17. apríl kl. 15:30 í Félagsheimilinu að Flúðum.
Hrunamannahreppur og Skeiða- og Gnúpverjahreppur blása til sameiginlegs skóla- og æskulýðsþings þriðjudaginn 17. apríl nk og bjóða þér til þátttöku.
Tilgangur þingsins er að fá íbúa og nemendur til að ræða málefni skóla og æskulýðs á opinn hátt og draga fram sem flest sjónarmið. Framtíðarsýn og stefna sveitarfélaganna í skóla- og æskulýðsmálum verður mótuð með hliðsjón af niðurstöðum þingsins.
Fólk á öllum aldri er hvatt til að mæta. Gaman væri að fá sem breiðastan hóp fólks sem á það sameiginlegt að vilja öflugt og gott skóla- og æskulýðsstarf í sveitarfélögunum okkar.
Vor í lofti
Föstudagur, 23. mars 2012 15:29
Það er farið að bera á vor þessa daganna með aukinni útiveru og gönguferðum. Páskarnir nálgast og eru verkefni barnanna farin að bera af sér páskakeim. Séra Eiríkur kom til okkar í dag og sagði okkur frá miskunasama samverjanum. Eiríkur á svo eftir að heimsækja okkur einu sinni enn fyrir páska og fræða okkur um boðskap þeirra. Í útiveru nú eftir kaffi var opnaður fyrsti krítarpakki ársins sem vakti mikla lukku enda er mjög langt síðan hefur viðrað til þess að kríta. Nú er stéttin okkar orðin litrík og fín fyrir helgina. Góða helgi
Fleiri greinar...
Síða 1 af 12